Espainiako estatuko hauteskunde orokor eguna da gaur, apirilak 28, eta parte hartzeak gora egin du erkidego guztietan. Zarautzen 18.142 herritar daude deituta botoa ematera, eta 18:00etan bildutako datuen arabera, 11.969 bertaratu dira hautetsontzietara bozkatzera. Beraz, une honetan, %65,97koa da parte hartzea. 2016ko bozetan %51,74koa izan zen ordu horretako parte hartzea.
Urola Kostan %60,79ak eman du botoa 18:00etarako. Oraingoz 9 puntu igo da parte hartzea 2016ko hauteskundeekin alderatuta, %51'58koa izan baitzen ordu horretarako. Eskualdeko herrien artean, Getariak jarraitzen du gehien bozkatu duten herria izaten: oraingoz, ia %71k eman du botoa han.
Espainiako Gobernuaren arabera, erkidego guztietan egin du gora bozkalekuetara jo dutenen kopuruak. EAEn %50'97k bozkatu dute, eta Nafarroan %60'97k. Gipuzkoan 10,09 puntu igo da parte hartzea, Bizkaian 9,19, Nafarroan 9,17 eta Araban 3,28.
