Lau lagun artatu dituzte olatu batek autobusa jo ondoren

Atzo arratsaldeko itsasgoran olatu ikusgarriak ikusi zitezkeen. Horietako batek, ordea, Zumaia-Zarautz arteko errepidean zihoan lineako autobus bati eman eta beira apurtu zion. Ondorioz, lau lagun artatu behar izan zituzten Zarauzko Osasun Zentroan, zauri arinengatik. Gainerakoan, ez da kalte larririk izan.