Astelehenean jarri zituzten The Sadies taldeak Zarautzen eskainiko duen kontzerturako sarrerak salgai entradium.com atarian. Astebetean baino gutxiagoan amaitu dira. Orain, kontzertura joateko asmoa dutenek, Sanz Enea kultur etxera jo beharko dute azken sarrerak erostera. 12 euro balio du bakoitzak.
Kontzertua martxoaren 25ean izango da, I love Rock elkarteak antolatutako Rockumentalak! zikloaren hamargarren urteurrenean. Kanadiarrekin batera, Sonic Trash taldea eta Diego RJ disko jartzailea ere izango dira Modeloko oholtza gainean, 22:00etatik aurrera.
