"Iraun beharraren gaitzak jotako komunitate baten hezurren eta gezurren erradiografia traumatologikoa" da Francoren bilobari gutuna antzezlanaren oinarria. Artedrama (Bizkaia), Le Petit Théâtre de Pain (Lapurdi) eta Dejabu Panpin Laborategia (Gipuzkoa) antzerki taldeek sortua, ostiralean, otsailaren 10ean helduko da Zarautzera.
Modelon eskainiko dute antzezlana, 22:00etan. Jakinarazi dutenez, dagoeneko agortu dira sarrerak. Maiatzaren 6ean Azkoitin izango da, Baztartxon.
