Urtea amaitzen ari da, eta horrekin Garoako Paperezko Lagunen eta Paperezko Kontzertuen 2016ko azken hitzorduak izango dira aste honetan. Ostegunean, hilaren 15ean elkartuko dira paperezko lagunak, 19:30en Garoan. Juan Kruz Igerabide izango da bertan, Hauts bihurtu zineten eleberriaz zein beste hainbat kontuz solasteko. Ohi bezala, Alex Gurrutxagak gidatuko du saioa.
Larunbatean, berriz, Iñigo Garces Cabezafuego-k eskainiko du paperezko kontzertua, "vermoutaren orduan", 12:30ean.
