Lehia gogorra aurreikusten zuten zarauztarrek asteburuan, bigarren postuan sailkatuta dagoen Bera Beraren bisita jaso baitzuten. Partida hasiera espero bezalakoa izan zen: donostiarrak indartsu ekin zioten, eta markagailuan aurretik jartzea lortu zuten 13. minuturako. Babyautok berehala erantzun zuen, berdinketa lortuz. Atsedenaldira joan aurretik, gainera, 10-7koarekin aurretik jartzea lortu zuten.
Bigarren zatian, aurkariaren ahulguneak aprobetxatuz, joko ona erakutsi zuen Zarauzko taldeak, eta abantaila nabarmena lortu zuen, 24-7koarekin. Amaiera aldean, Bera Berak entsegu berri bat lortu zuen, partida 24-14ko emaitzarekin bukatuz.
Garaipen garratzitsu horri esker, igoera fasea jokatzeko aukera eskuetan du Babyautok. Larunbat honetan ligako azken partida jokatuko dute Avia Eibar taldearen aurka, Eibarko Une zelaian, 17:00etan, eta hurrengo fasera sailkatzeko behar den guztia emango dute zarauztarrek.