Kiroldegiko langileek mobilizazioekin jarraitzen dute

Nahikoa da, negoziazioa orain lelopean, elkarretaratzea egin zuten kiroldegiko langileek atzo arratsaldean, Lege Zaharren enparantzan. Gaurkoa greba deialdiaren hirugarren eguna dute, eta mobilizazioak iragarri dituzte: goizean, 10:00ak aldera hasita, bizikleta martxa egingo dute ikastetxez ikastetxe, eta arratsaldean, Aritzbaltalden jokatuko den eskubaloiko partidan ere agerraldia egiteko asmoa dute: 19:30ean, Amenabarren partidan, kiroldegiko langileak kantxara irtengo dira pankartarekin.