Udal Gobernuak, aurrekoan bezala, gutxieneko zerbitzuak eskatu ditu. Eusko Jaurlaritzako Lan eta Justizia saileko zuzendariak, aldiz, ez eskaintzea erabaki du, lehentasunezkoak ez direla argudiatuz.
Hori dela eta, kiroldegia itxita mantenduko dute hiru egunetan. Beste behin, ez dituzte ikastaroak eskainiko eta gimnasioa nahiz igerilekuak ez dituzte zabalduko, baina bai kirol elkarteek erabiltzen dituzten kantxak zein arrauneko eta halterofiliako instalazioak.
Kasu honetan ere, Udal Gobernuak bazkideei jakinarazi die zerbitzua eman ez izanagatik kuota orokorrean zein ikastaroetakoan konpentsazioa jasoko dutela.
Udal Gobernuak adierazi du enpresa eta langileak mahai batean esertzeko ahaleginak egiten jarraitzen duela.
