Sua hartu du ardi biltegi batek Santa Barbara auzoan

Suhiltzaileek dagoeneko sua itzali dute, baina bertan jarraitzen dute egoera kontrolazen. Pertsona batek erredurak jasan ditu besoan, eta anbulantzia bertaratu da zauritua artatzera; ondoren, Donostiako Ospitalera eraman dute. Ertzaintzak jakinarazi duenez, 11:00ak aldera gertatu da ezbeharra: sua hartu du Santa Barbara auzoan dagoen ardi biltegi batek, eta ardiak eraikinetik atera behar izan dituzte. Sutearen ondorioz, bi zakur hil dira. Sutea nola sortu den jakiteko goizegi dela adierazi dute Ertzaintzatik.