Elkarretaratzea egunotako eraso matxistak gaitzesteko

Zarauzko Udalak deituta, elkarretaratzea egin dute gaur eguerdian, azken egunetako eraso matxistak gaitzesteko. Lege Zaharren enparantzan elkartu dira, eta udal talde guztietako ordezkariek hartu dute parte. Arratsaldean, 19:00etan, mobilizazioa izango da Zarauzko Sare Feministak deituta, Aski da! lelopean. Zarauzko Udalak bat egin du deialdi horrekin.