Zarauzko Udalak 2017ko egutegia kaleratu du, eta herritarrek dohainik eskuratu ahal izango dute gaurtik aurrrera udal eraikinetan: besteak beste, HAZ bulegoetan, Aritzbatalde Kiroldegian, Sanz Enea liburutegian, Turismo Bulegoan, Gizarte Zerbitzuetan eta Euskaltegian.
Bi formatutan argitaratu dute egutegia: bata, horman jartzekoa da, eta bestea, mahai gainekoa. Horietan herriko hainbat paisaia, leku eta ekitaldi jaso dituzte hilez hil, 12 argazkitan; esaterako, San Pelaioko danborrada, Euskal Jaia Eguna, Iñurritzako biotopoa eta Merkatu plaza ageri dira.
Egutegiak, gainera, Herritarren Arreta Zerbitzuko informazioa dakar azken orrietan, herritarren intereserako.