Xabier Zabala musikari zumaiarrak egin du Korrontzi Benefic diskorako Korrontzi taldearen musika. Korrontzi Benefic proiektua haur gaixoei laguntzeko egin dute, eta disko batek eta abenduaren bukaeran emango dituzten hiru kontzertu-ikuskizunek osatzen dute. Justu, Gobernuz Kanpoko bi erakundeetako haurrei laguntzeko egina da: TDH-Gizakien Lurra eta Aitzina-Aefat.
Diskoa erosten dutenek haurrek egindako irudiak jasoko dituzte postal formatuan, eta era horretan haiei idazteko aukera izango dute. Diskoa Durangoko Azokan egongo da salgai, Baga-Bigaren eraskumahaian.
Korrontzi Benefic kontzertuak, berriz, ikuskizun jendetsuak izango dira, Korrontzi taldeaz gainera, 300 bat dantzarik parte hartuko dutelako. Honako tokietan izango dira: abenduaren 27an, Gasteizen; abenduaren 29an, Bilbon; eta, abenduaren 30ean, Azpeitiko Soreasu antzokian (22:00).