Asteburuan gaztetxea kalera atera eta askotariko ekintzak egiteko asmoa zuten Putzuzuloko kideek. Dena dela, eguraldiak ez du lagundu, eta bertan behera utzi behar izan dute eguerdirako herriko arnasgune izan diren txokoetatik aurrikusita zegoen kalejira. Herri bazkaria gaztetxean egin dute, eta arratsaldean ere bertan egingo dituzte bertsodrama, poteoa eta II. Kulero Lasterketa.
Gauean, kontzertuak izango dira Putzuzulo Gaztetxean, The Nephews eta Hortzaka taldeen eskutik. Disko-jartzaileek girotuko dute ondoren gaua.