Zarautzen hasi, Zumaia eta Deba pasa, eta Mutriku izango du helmuga Esnatu, lokarriyak lotu, ta gozatu lelopean antolatutako hiru egunetako martxak. Gainera, nahi duen orok iritsiera festa giroan ospatzeko aukera izango du Mutrikuko madalenetan.
Ibilaldian zehar ekintza desberdinak antolatuko dira: jolasak, hizketaldiak, eta kantaldiak izango dira, besteak beste. Pausoz pauso zarauztar gazteak batu, elkar ezagutu eta primeran pasatzeko aukera paregabea.
Izena emateko epea ostiral honetan, hilak 15, amaituko da Eguzki tabernan, Facebook edo zarauzkogaztemartxa@gmail.com helbidera mezu bat igorrita.