Kim Jong Un generalaren aginduetara lanean ari den atzerritar bakarra da Alejandro Cao de Benos eta Ipar Korearen errealitatea hizpide izan du gaur eguerdian Zarauzko Garoa liburu dendan. Hitzaldia hasterako aretoa bete egin da, eta eskualdeko hainbat herritatik iritsitako herritarrek adi-adi jarraitu dituzte Cao de Benosen hitzak.
Lehenik eta behin ordu laurdeneko sarrera egin du, eta herrialdearen testuingurua eta funtzionamendua azaldu du. Mendebaldeko herrialdeetan oinarri den kapitalismoaren eta Ipar Koreako sozialismoaren arteko konparaketa ere egin du Cao de Benose, eta herrialdeko sistema ulertzeko kontutan izan behar diren berezitasun kulturalak hizpide izan ditu. Gero hitzaldian bildu diren herritarren galderei erantzun die Ipar Koreako Kanpo Harremanetarako idazkariak.