KULTURA // Martxoaren 8ko egitarauaren barruan, bi erakusketa zabaldu dira aldi berean Alondegiko Oxford aretoan. Martxoaren 10era bitartean (egunero, 18:00etatik 20:00etara), Itziar Morenoren eta Irene Irureta zumaiarraren erakusketa bana ikusi ahal izango dira. Teknika parekoak erabilita ere (collagea, akuarela, marrazkiak...), emaitza oso desberdinak eta, aldi berean, sentsibilitatez betetakoak lortu eta erakusgai jarri dituzte bi artistek.