Mungiako lasterketako podiuma. (Abel Markos)
Pasa den larunbatean Mungiako VIII. Duatloia jokatzekoak ziren, baina eguraldi txarra zela-eta Trafiko Zuzendaritzaren agindupean bertan behera geratu zen. Duatloiaren ordez 10 kilometroko oinezko lasterketa egin zuten; Gorka Luzena santurtziarra izan zen ibilbidea azkarren osatu zuen parte-hartzailea, 0:33:49 denboran hain zuzen ere, eta Hossain Kaanache oriotarrak bigarren postua eskuratu zuen gizonezkoen mailan 0:34:04 denbora eginda. Bestalde, Zarautz Triatloi Taldeko Usoa Ostolaza hirugarren postuan iritsi zen emakumeen artean, 0:40:35eko denboran, emakume azkarrena baino 40 segundu behar izan zituen zarauztar gazteak.