Bideo erreportaje bilduma batean jaso dituzte Euskal Kulturgintzaren Transmisioa aditu tituluaren 5. edizioko uzta

Jatsu Argarate 2016ko otsailaren 29a
Deskargatu Info Ahotsak :

Pasa den ikasturtean Euskal Kulturgintzaren Transmisioa (EKT) aditu tituluaren 5. edizioa eskaini zuen MONDRAGON UNIBERTSITATEko Humanitate eta Hezkuntza Zientzien Fakultateak. Orain, Goiena komunikazio taldeak bildu egin ditu aditu titulu hartan sortutako eduki aipagarrienak telebista-erreportaje sorta batean. 

 

Jon Berezibar Goienako kazetariak Goiena komunitateko blog batean bildu ditu EKTri buruz egindako erreportajeak. Gai, hitz-gako eta kontzeptuen arabera antolatuta, Arrasateko kazetariak jaso ditu sei ataletan ikastaroan parte hartutako aditu eta arituen hausnarketak. Oso jatorri eta jarduera desberdineko lagunak daude elkarrizketatuen artean: sortzaileak, politikariak, pentsalariak...
  1. Olatua berrasmatu.
  2. Zama hegalduna.
  3. Hilzori-gogobizi.
  4. Mina eta grina.
  5. Ertzak batuz.
  6. Egin arte (ez gara izango).

Erreportaje horiek guztiak bilduta daude EKT-k Goiena komunitatean sortutako blogean. 

Osorik irakurri

Zarautz Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide