Apurka-apurka herritarrak gerturatzen ari dira Lege Zaharren Enparantzara, kaleko elkartasun eta kultur elkarteek antolatutako elkartasun azoka kulturalera. Bertan bigarren eskuko askotariko materiala jarri dute salgai, eta herritarrek erabiltzen ez duten materiala ere eraman dute hori erabiltzaile berrien esku jartzeko eta “hondakin ez bihurtzeko”.
Material hori berrerabiltzeaz gain, egoera ekonomiko larrian bizi diren pertsonak laguntzea du helburu ekitaldi horrek. 14:30a arte izango da zabalik azoka.
