Pilota denboraldiko lehen txapelketa garrantzitsua aurkeztu zuten atzo Argiñano jatetxean. Lau eta erdian lehiatuko diren Aspe eta Asegarce enpresetako pilotariak bertan izan ziren, baita enpresetako arduradunak eta antolatzaileak ere, txapelketako partiden eta multzoen zozketan. Final-hamaseireneko lau norgehiagokarekin abiatuko dute lehia, asteburu honetan.