Atzo hasi ziren zarauztarrak Sanmielak ospatzen Itxasmendi auzoan. 18:30 inguruan eman zieten jaiei hasiera, txupinazoarekin, eta pintxo potearen ondoren, DJ Davilaren eta Rockalean taldearen emanaldiak izan ziren. Gaurko eguna arku-tiru eta toka txapelketarekin hasi dute. Herritar ugari bildu da bertan, probak bertatik bertara jarraitzeko.
[flickr_set id="72157659089389622"]
Festak igandera arte iraungo du auzo horretan. Hona hemen gaurko eta biharko ekitaldien zerrenda:
Gaur, irailak 26
14:30ean. Herri bazkaria karpan.
20:30ean. Itsas-Rock jaialdia. Hasiera emateko Valladolidetik etorritako taldea: Iron-What, Iron Maiden-en soinuekin gozatzeko. Jarraian, Leize talde mitikoaren kontzertua. Jaialdia bukatzeko, Picadura taldeak Barrikadaren soinua eskainiko du.
23:15ean. Su artifizialen erakustaldia.
Bihar, irailak 27
11:30etik 13:30era. Haurrentzako parkea, bost puzgarriz osatua (Itxasmendi auzo elkartearen laguntza bereziari esker).
13:00etan. Patata tortilla lehiaketa (oinarri bazala patatak eta arraultzak). Saria Amezti Gain sagardotegiak emango du.
16:00etatik 19:00etara. Berriro puzgarriak eta, ondoren, apar festa. Segidan, dantzaldi erakustaldia Itxasmendi auzo elkarteko dantzarien eskutik. Ondoren, DJ Davilak jaien amaiera girotuko du musikarekin.
18:00etara. Egunean zehar txahala burruntzian erreta eskainiko da.