Hilaren 28tik 31ra ospatuko dute Literaturia Zarautzen, eta aperitibo gisa, gaur osteguna ekitaldi berezia izango da Garoan. Bernardo Atxagak eta Jose Luis Padronek errezitaldia eskainiko dute, 19:00etatik aurrera. Bestalde, Literaturiaren aurkezpenean erakutsi ondoren, asteburuan Sautrela telesaioan estreinatu dute aurtengo jaialdia iragartzeko bideoa. Eta dagoeneko ikusgai dago sarean (https://vimeo.com/126885883). Juanfe Garcesek zuzendu du, Bertol Arrietaren gidoiarekin, eta aktore lanetan Ander Lipus, Ainhoa Alberdi, Patxi Santamaria, Iraia Elias eta Beñat Aristi aritu dira.