Zarauzko PSE-EE udal taldeak informazio zerbitzua eskainiko du posta bidez bozka eman nahi dutenei laguntzeko. Maiatzaren 24ean bozkalekuetara joan ezin dutenek botoa nola eman dezaketen azalduko diete herritarrei, beraz. Interesa dutenek alderdi sozilistaren egoitzara (Kale Nagusiko 21. zenbakian, Zazpi aretoan) jo ahalko dute maiatzaren 14ra bitartean. Bulegoa astelehenetik ostiralera egongo da zabalik, arratsaldez, iluntzeko 19:00etatik 20:00etara. PSE-EEko ordezkariek gogoratu dute gaixotasunen bat zein ezintasunen bat dutenek etxetik bozkatzeko aukera ere badutela. Horiek ireki berri duten bulegoaren bitartez ere egin ahalko dute tramitazioa.
Edozein zalantza argitzeko zein posta bidez botoa tramitatzeko hitzordua eskatzeko 943-133153 telefono zenbakira deitu dezakete interesa dutenek.Informazio zabalagoa eskuratzeko, Gipuzkoako PSE-EEren webgunea bisitatu daiteke.