Felix Zubia atzo Arrasateko saioan (Bertsozale.eus)
Atzo, larunbata, Arrasaten jokatu zen Gipuzkoako Bertsolari Txapelketako azkenaurreko final zortzirena (gaur jokatuko da azkenengo final zortzireneko saioa Andoainen). Felix Zubia zarauztarrak lortu du lehen postua Arrasatekoen, hala final laurdenetarako txartela eskuratu du. Zubiaren atzetik bigarren Eneritz Artetxe azkoitiarrak egin zuen, eta hirugarrena Iñaki Gurrutxaga oriotarra izan zen. 310 bertsolaze bildu ziren saioa segitzeko.
Zubia azaroaren 1ean Ormaiztegin jokatuko den final laurdenetako saioan ariko da Iñaki Apalategi, Beñat Lizaso eta beste lau bertsolarirekin batera.
| BERTSOLARIA | PUNTUAZIOA |
| Felix Zubia Olaskoaga | 431 |
| Eneritz Artetxe Eizagirre | 421,5 |
| Iñaki Gurrutxaga Zubimendi | 417,5 |
| Haritz Casabal Pikabea | 412 |
| Egoitz Eizagirre Aduriz | 382,5 |
| Aratz Igartzabal Bidegain | 373 |
Gipuzkoako Bertsolari Txapelketako azken final zortzirena gaur, igandea, jokatuko da Andoaingo Bastero kulturgunean. Sei bertsolari igoko dira oholtzara: Ibai Esoain oriotarra, Gemma Urteaga, Jokin Uranga azpeitiarra, Antton Fernandez, Asier Azpiroz eta Unai Gaztelumendi. Lehen sailkatuak urriaren 31n Zestoan jokatuko den final-laurdenerako txartela eskuratuko du.