Asteartean arratsalde interesgarria izan genuen Modelo Aretoan, Jose Luis Villacañasekin antolatu genuen solasaldiarekin. 200 inguru lagun hurbildu ziren aretora, eta arretaz jarraitu zituzten filosofo ezagunaren iritziak.
Izan ere, Senderos que se bifurcan bere azken liburuan agertzen diren bidegurutzeak aztertu zituen, antzinako historiatik hasi eta gaur egungo egoeraraino: Halaber, neandertalez eta gaur egungo Palantir, Silicon Valley eta Eurasiako protagonistez ere aritu zen.
Bertaratu zirenek helarazi zutenez, oso gustura egon ziren ekitaldian. Hurrengo hitzaldia urriaren 6an izango da. Zarautz Herri Zaintzailearekin batera urtero antolatzen dugun ekimena da; aurten, Arantzazu Lizartza Lehen Arretako eta Komunitateko mediku gaztea izango dugu gurekin, zainketa aringarriei buruz hitz egiten.
