Imanol Epeldek Zerbait sartu zait begian izeneko emanaldia eskainiko du bihar Hiruputzu gaztetxean, ikuskizunaren udazkeneko biraren barruan. Arraio Irratiak antolatuta, 22:00etan eskainiko du ikuskizuna, eta ikustera joan nahi dutenek sarrerak eskuragarri dituzte Garoa liburu dendan.
Epelderen emanaldiak spoken word-a, musika elektronikoa eta irudiak uztartzen ditu. Performance garaikide horretan, bizimoduaren abiadura, naturarekiko deskonexioa, zoriontasunaren bilaketa amaigabea, maskulinitatea eta euskara umorez nahasten ditu, publikoa hunkituz eta hausnarketara bideratuz.