Historian iltzatuta geratuko zen derbia jokatu zuten Realak eta Athleticek 1976ko abenduaren 5ean Atotxan, baina ez partidaren emaitzagatik: neurketaren atarian, orduan debekatuta zegoen ikurrina atera zuten zelai erdira Jose Angel Iribarrek eta Inaxio Kortabarriak, aldarrikapen modura. 50 urte geroago, atzo iluntzean, irudia errepikatu zuten bi protagonistek San Mamesen jokatutako euskal derbian.
Duela mende erdi bezala, ikurrinaren alde banatan jarrita zelairatu ziren Athleticeko zein Realeko kapitain ohiak, bi taldeetako jokalariek egindako pasillotik barrena. Harmailetan ere duela 50 urte gertatutako irudia errepikatu zen: txalo zaparrada luze batekin eskertu eta goraipatu zuten zaleek bi jokalarien keinua.