Etxebizitza Sindikatu Sozialista azaroaren 11ko greba orokorraren bueltako lanketa egiten ari da azken asteotan. Hori dela eta, Gazte Koordinadora Sozialistarekin batera, Espekulazioa: Zer da? Nola egin? hitzaldia eskainiko dute bihar.
12:00etan hasita, etxebizitzaren eta espekulazioaren gaiaz arituko dira Frontoi Txikin. Ordu berean, Zumaiako Oxford aretoan ere izango da hitzaldia entzuteko aukera. Hainbat gaiez hitz egiteko tartea izango da bertan, esaterako, espekulazioaren nondik norakoak, honen aurrean egitekoak eta gazteen papera azaroaren 11n.