Pontevedrako Cisne taldearen aurka neurtu zituen indarrak Amenabar Zarautzek larunbat arratsaldean, Aritzbalatalden. Azken partidetan gertatzen ari zaion zorte txar berarekin egin zuten topo kortsarioek azlken jardunaldian: norgehiagoka osoan aurretik izan ziren markagailuan, baina azken bost minutuetan galdu egin zuten.
Dinamika oso onarekin hasi ziren lehian, eta atsedenaldira hiru goleko aldearekin iritsi ziren, 14-11koarekin. Bigarren zati ia osoan ere aurretik joan ziren, eta 53. minuruan ere 3 goleko abantailarekin zeuden markagailuan. Partida amaieran, ordea, ezin izan zuten ordura arteko joko ona borobildu, eta azkenean 29-31 galdu zuten. Ligako lehen garaipena gertu dute, baina kostatzen ari zaie.
Aiala Zarautzek ligako lehen garaipena erdietsi zuen etxeak, Malkaitz taldeari 24-16 irabazita. Lehen zatian pareko samar joan zen bien artekoa, baina zarauztarrak aurretik bukatu zuten 10-7koarekin. Bigarren zatian, atsedenalditik bueltan, Aialaren defentsa irmoak bere fruituak eman zituen, eta aurkariek atea ikusten ez zuten bitartean, etxekoek markagailuan gorantz egin zuten norgehiagoka eroso irabaziz.