Ibon Imazen 30. Oroimenezko Surf Txapelketa herrikoia jokatuko dute hilabete honen amaieran, Zarauzko Surf Elkartearen ekimenez. Zehazki, urriaren 24an eta 25ean izango da kirol hitzordua, Borghetto eta Desertu Txikia inguruan.
Antolatzaileek jakitera eman dutenez, aurki zabalduko dute bertan izena emateko aukera. Era berean, ohartarazi dute pertsona bakoitzak kategoria bakarrean eman ahal izango duela izena, eta 15 euro ordaindu beharko dituela. Informazio gehiago eskuratzeko nahiz izena emateko, Zarauzko Surf Elkartearekin jarri beharko da harremanetan, zse@zarauzkosurfelkartea.com posta elektronikora idatzita.