Gipuzkoako Surf Federazioak, Zarauzko Surf Elkartearekin eta Zarauzko Udalarekin elkarlanean, Gipuzkoako Surf eta Bodyboard Txapelketa antolatu du Zarautzen. Urriaren 17an eta 18an jokatuko dute, gizonezkoen zein emakumezkoen hainbat kategoriatan banatuta.
Hain zuzen ere, Surf Open, 18 urtez azpikoak, 16 urtez azpikoak, 12 urtez azpikoak, Masters +40, Bodyboard Open eta Bodyboard 18 urtez azpikoak kategorietan sailkatuko dituzte parte hartzaileak. Pertsona bakoitzak gehienez ere bi kategoriatan eman ahalko du izena.
Hori horrela izanik, izena emateko ondorengo lotura honetara jo daiteke. Antolakuntzak gogorarazi du izena emateko beharrezkoa dela federatuta egotea eta Gipuzkoan erroldatuta egotea. Inskripzioak 10 euro balio ditu.