Ostegun eta ostiral gauak musikaz beteko dira Zarauzko Hiruputzu gaztetxean. Urriaren 1ean Meffst jaialdia egingo dute, eta urriaren 2an Zarata Zarautzek antolatutako Metal gauak girotuko du gaztetxea.
Mefsst-ek antolatuta, kontzertu gau bat egingo dute Zarautzen, eta bi taldek osatuko dute egitaraua. Batetik, Bretainiatik (Frantzia) datorren An Tec´h taldeak eskainiko du kontzertua. Bestetik, Bilboko Adur taldeak girotuko du gaztetxea. Gaztetxeko ateak 21:00tan irekiko dituzte.
Ostiralean, berriz, Zarata Zarautzek hartuko du gaztetxeko kontzertuen erreleboa. Metal gaua antolatu du urriaren 2rako, eta bi talde arduratuko dira gaualdia girotzeaz. Zarauzko Putzu Beltzean taldeak irekiko du egitaraua, eta haren atzetik, Kolonbiatik datorren Última Batalla taldeak eskainiko du kontzertua. Kontzertuak 21:30ean hasiko dira.
Musika mota anitzez osatutako bi egitarauek girotuko dute Zarauzko Gaztetxea datorren asteko ostegun eta ostiral gauean.