Saio originalaren barruan, Miguel Angel Jimenez zine zuzendariaren El anfitrion filma emango dute gaur arratsaldean. 19:30ean hasiko da saioa Modelo aretoan, eta jatorrizko hizkuntzan eskainiko dute.
Markos Timoleon Greziako handikiaren eta bere alabaren istorioa du oinarri filmak. Alabaren 25. urtebetetzea ospatzen ari dira bere uharte pribatuan. Han, gertaera kate iragarri ezinari aurre egin beharko diote, bere nagusitasuna mehatxatu eta bere existentzia astinduko duena.