Jalgi dantza taldeak jakitera eman duenez, datorren asteartean, hilak 15, zabalduko dute haur eta gaztetxoen ikasturterako izen ematea. Egun horretan, 18:00etatik 19:00etara bitartean egin beharko da matrikula, Imanol Urbieta Udal Musika Eskolan.
Lehen Hezkuntzako 1. mailatik gorako haur zein gaztetxo guztiei dago zuzenduta deialdia. Gainera, Jalgik aditzera eman duenez, taldeen osaerari eta entseguetarako egun eta orduei buruzko informazioa matrikulazio epea amaitu ondoren emango dute.
Dena den, edozein zalantza argitzeko edo informazio gehiago jasotzeko jalgi.dt@gmail.com helbidera idatz daiteke.