Aurten, Euskal Astearen barruan, Jose Luis Saizar zenaren omenezko arraza libreko artzain txakurren proba jokatuko dute, Amalur parkean. 27. Gipuzkoako Txapelketa izango da jokoan larunbatean, eta 17:30ean hasita, artzainak aginduak ematen eta txakurrak ariketak osatzen ariko dira.
Guztira, sei artzain eta zazpi txakur ariko dira lehian: Javier Gastañaga antzuolarra Cool eta Fol txakurrekin; Manuel Gorriti aizarnazabaldarra Turbo txakurrarekin; Asier Dakosta aretxabaletarra Zeru-rekin; Xabier Gastañaga antzuolarra Sandy-rekin; Iñaki Irigoras urretxuarra Thor-ekin; eta Pello Segurola matxinbentarra Jak-ekin. Epaile lanetan, berriz, Mikel Garate eta Pagazartundua ariko dira.