Zarautz Guka aldizkari digitalaren iraileko zenbakiak ikusi du argia, eta, ohi bezala, gai interesgarriz jantzita dator. Nazioartean ateak zabaltzen ari den Martin Sorreluz errugbi jolakariari bideo-elkarrizketa, Modesto eta Bertol Arrieta aita-semeak Hamalau heriotzena bertso sortaren inguiruan eginiko ikerketa eta dokumentalari buruzko erreportajea, Ian Ruiz Lizaso eduki sortzailearen Musika Kaxa eta Ainara Alkorta margolariari egindako erretratua topatuko ditu erabiltzaileak.
Era berean, Aritz Mutiozabalen, Alex Gurrutxagaren, Elaia Aizpuruaren eta Javier Aramendiren iritzi artikuluak irakurtzeko aukera izango da. Zarauzko Argazkizale Elkarteko Javier Carballok, gainera, pilota jokamolde ezberdinen irudiak batu ditu Klik! atalean.
Adizkaria eskura dago lotura honetan.
