ISA World Junior Surfing Championship txapelketa jokatuko da ostegun honetan hasi eta irailaren 13ra bitartean, El Salvadorreko La Bocana eta El Sunzal hondartzetan, eta Zarauzko bi ordezkari izango dira bertan lehian: Oxel Oregi eta Nahia Calderon. Denboraldi bikaina osatzen ari dira biak ala biak –Oregi mutilen 18 urte azpikoen mailan, eta Calderon, berriz, nesken 16 urte azpikoen mailan–, eta lortu dituzten emaitzak ez dira oharkabean pasa Espainiako hautatzailearentzat.
Bi zarauztarrekin batera, ondorengo hamar surflari hauek osatuko dute selekzioko taldea: Dylan Donegan, Sol Borelli, Oinatz Ortega, Adriana Hidalgo, Julieta Rodriguez-Villamil, Alvaro Casanova, Martin Garcia-Eizaga, Ander Mendiluze, Carla Morera eta Oihane Goñi, hain zuzen ere. Guztira, 55 herrialdek hartuko dute parte txapelketan.