Gaur goizean eman diote hasiera I. Aidean Zarautz hondartzako boleibol txapelketari, Desertu Txikian. Zarauzko Aidean boleibol klubak antolatu du txapelketa lehen aldiz, eta giro ederrean ari dira partidak jokatzen. Gaur binakako txapelketa ari dira jokatzen, emakumezko zein gizonezko taldeak. 10:00etan eman diote hasiera txapelketari, eta 20:00 bitartean jokatuko dituzte partidak.
Bihar, berriz, lauko taldeen txapelketaren txanda izango da. Biharko lehiaketako taldeak mistoak izango dira, eta partidak, gaurko moduan, 10:00etatik 20:00 bitartean jokatuko dituzte. Gaurko eta biharko txapelketetan, talde bakoitzak, gutxienez, hiru partida jokatuko ditu.