Aritzbatalde kiroldegiko 2026-2027 ikasturteko ikastaroetan izena emateko epea zabalik dago, eta haur eta helduen igeriketa ikastaroetan zein helduentzako areto-jardueretan eman daiteke izena.
Helduen igeriketa ikastaro batzuetan eta areto-jarduera guztietan, plazak izen-ematearen hurrenkeraren arabera esleituko dituzte. Haur igeriketako ikastaroetan eta hiruhileko helduen igeriketa ikastaro batzuetan, berriz, zozketa bidez banatuko dituzte plazak.
Zozketan parte hartu nahi dutenek uztailaren 16tik abuztuaren 9ra egin beharko dute. Zozketan parte hartu ez dutenek, aldiz, abuztuaren 24tik aurrera eman beharko dute izena, izan ere, libre geratzen diren plazak izen-ematearen hurrenkeraren arabera esleituko dira.
Informazio gehiago nahi dutenek @kirolazarautz Instagram kontua jarraitu, Zarauzko Udalaren webgunea kontsultatu edota Aritzbatalde kiroldegira jo dezakete.