Datorren asteartean zabalduko dituzte tiobiboak malekoian, Galtxagorri parean, Munoa plazako lanak direla eta. Urtero bezalaxe, abuztuaren 23ra arte egongo dira irekita, haur, gazte zein helduren gozamenerako.
Barraken eguneroko ordutegia 17:00etatik 00:00etara izango da; ostiraletan, larunbatetan eta jai bezperetan, berriz, 01:00etara luzatuko dute itxiera ordua. Amabirjinetan, abuztuaren 15ean eta 16an, aldiz, 17:00etatik 02:00era zabalduko dituzte.