Arranopola kultur ekimeneko hirugarren kontzertu saioa eskaini zuten atzo arratsaldean Nafarroako Bisai hirukoteak; hasiera batean, Bizkaiko Kak taldeak eskaini behar zuen, baina osasun arazoengatik ezin izango dute bertaratu, eta programazioa aldatu zuten antolatzaileek. Ion Mayordomok, Joseba Alemanek eta Unai Urrozek popa eta rocka uztartzen dituen proposamen interesgarria taularatu zuten Arranoko terrazako agertokian, eta bertaratu zirenek iluntze atsegina igarotzeko aukera izan zuten.
Datorren astean, uztailaren 23an, Ramona's First Evil Boyfriend taldearen txanda izango da. Azkoitiko hirukoak Eatxi diskoa kaleratu zuen martxoan, eta lan berria aurkeztuko du zuzenean Musika Plazan.