Jubenil mailako gizonezkoen Europako eskubaloi txapelketa jokatuko dute Serbian uztailaren 29tik abuztuaren 9ra bitartean. Bertan arituko da Markel Errasti zarauztarra Espainiako selekzioarekin. Ezker hegalekoak denboraldi bikaina burutu du, eta Europako txapelketarako deialdiarekin egindako lan guztiaren saria iritsi zaio zarauztarrari.
Txapelketa prestatzeko asmotan, bihar elkartuko da taldea Granollersen (Herrialde katalanak). Zenbait entrenamendu burutu ostean, Suediara bidaiatuko dute, Eskandiberiar Txapelketa jokatzeko uztailaren 24tik 26ra. Suediakoa Europako txapelketaren aurretik izango duten azken proba izango da, eta Norvegia, Portugal y Suediaren aurka arituko dira Francisco Javier Marquezen mutilak.
Azkenik, Serbiara bidaiatuko du taldeak, eta bertan jokatuko dute Europako txapelketa. Espainiako selekzioa F multzoan lehiatuko da, Austriaren, Faroe Uharteen eta Finlandiaren aurka.