Aurtengo Arranopola kultur ekimeneko hirugarren kontzertua eskainiko du Bisai talde nafarrak gaur, 20:00etan hasita, Arrano tabernaren kanpoko agertokian. Hasiera batean gaurko kontzertua Kak talde bizkaitarrak eskaini behar bazuen ere, osasun arazoengatik ezin izango dute bertaratu, eta Bisai hirukoteak ordezkatuko du.
Ion Mayordomok, Joseba Alemanek eta Unai Urrozek osatzen dute Bisai taldea. Mayordomok eta Urrozek Pleura taldean jotzen zuten lehenago, baina 2024an sortu zuten Bisai. Duela urtebete plazaratu zuten Hemen naiz lehenengo diskoa, eta taldekideek nabarmentzen dutenez, "rock suabea edo pop gogorra" bezala definitzen da beraien musika.