San Fermin eguna da gaur, eta herriko haur eta gaztetxoek ere entzierroan parte hartzeko aukera izan dute arratsaldean. Zapi gorriak lepoan, Lege Zaharren Enparantzara gerturatu dira guraso eta lagunekin batera, eta udaletxeko balkoitik txupina bota bezain laster, korrika hasi dira alde batetik bestera, zezen puzgarrietatik ihesean. Kale Nagusian barrena, Musika Plazaraino egin dute ibilbidea, eta jarraian, udaletxe aurrean aritu dira zezenekin jolasean.