Gaur eguerdiko txupinazoarekin, sanferminetan murgilduko da mundu bat Iruñean. Jai giro edonora hedatzen da, eta bihar, San Fermin egunez, ohiturari jarraituz, udalekuetako haurrek eta begiraleek San Fermin Txiki ospatuko dute goizean, eta zezen puzagarrien entzierroa izango da, arratsaldean.
Udaleku irekietako kideak 11:00etan elkartuko dira Lege Zaharren Enparantzan. Pregoia irakurri dute udaletxeko balkoitik eta santuari abestu ondoren, entzierroa egin dute Musika Plazara. Jarraian, kalez kale arituko dira bizilagunei ura botatzeko eskatzen, "bota ura, bota ura" oihukatuz.
Arratsaldean, 19:00etan hasita, zezen puzgarrien entzierroa izango da. Urtero bezala, herriko haurren eta gurasoen gozagarri izango den ikuskizunak herriko Alde Zaharreko kaleak girotuko ditu.