Zumaiako Santiago hondartzan egin duten moduan, Zarauzko hondartzan ere bainua debekatu du Eusko Jaurlaritzako Osasun Sailak, "osasun arrazoiengatik". Osasun Sailak jakinarazi duenez, Zarauzko hondartzako uretan egindako azterketetan, arautegiak ezartzen dituen kalitate irizpideak ez direla betetzen atzeman da. Beraz, oraingoz, eta kontrakoa jakinarazi arte, bandera gorria jarri dute eta bainua debekatuta dago.
Gauzak horrela, Zarauzko Udalak "arduraz jokatzeko" eta "uneoro Zarauzko hondartzako sorospen zerbitzuaren jarraibideak betetzeko" eskatu die herritarrei.