Ekainaren 21a Alboko Esklerosi Amiotrofikoaren Nazioarteko Eguna izan zen atzo. Horregatik, Xabier Txurruka alkateak, udaleko zinegotziek eta ADELA Zarauzko kideek berdez argiztatu zuten Aritzbatalde kiroldegia.
Alboko Esklerosi Amiotrofikoa nerbio-sistema zentralaren gaixotasun bat da, neurona motorren degenerazio progresibo batek eragindakoa, eta munduan milaka pertsonek pairatzen dutena. Honen ondorioz, giharrak ahuldu egiten dira, eta gorputzean zehar hedatzen da, atalez atal, gorputzaren erabateko paralisira iritsiz.