Aste honetan ere, Ekialde Urruneko zinemaren inguruan aztertzen jarraituko dute Photomuseumek sustatutako eta Zarauzko Udalak babestutako Gela programaren barruan. Zikloaren barruko seigarren saioa izango da gaurkoa, 18:00etan eta doako sarrerarekin. Taiwango zinemara hurbilduko dira gaurkoan.
Zinemaren inguruko hausnarketa proposatuko dute film baten bidez. Filmak ikusleen, langileen eta espazioaren eraginez desagertzen ari den zinema esperientzia baten memoria eta nostalgia aztertzen ditu. Horretarako, bere azken emanaldia eskaintzen duen zinema areto zahar batean kokatzen da istorioa. Proiekzioaren ondoren, solasaldia egongo dute, bertaratzen direnen parte hartzea sustatuz.