Musikaren Europako Eguna da ekainaren 21, igandea, eta Txinpirin eta Zarautz abesbatzek bat egingo dute hitzorduarekin, herria musikaz jantziz. Bi kontzertu emango dituzte guztira igandean: lehenengoan Txinpirinek abestuko du, eta bigarrenean Zarautz Abesbatzak.
Emanaldi bakoitza ordu eta kokapen ezberdin batean izango da; hain zuzen, Txinpirinen kontzertua 11:30ean hasiko da, Lege Zaharren Enparantzan. Zarautz Abesbatzak, berriz, Udaberri elkartearen aurrean eskainiko du emanaldia, 13:00etan. Kontzertuak irekiak izango dira, eta, beraz, herritar oro joan ahal izango da horiez gozatzera.