Euskal Herriko Gay-Les Askapen Mugimenduak Hiruputzu gaztetxearekin elkarlanean, Tuli-Tuli festa antolatu du bigarrenez. Bihar 18:00etan hasiko da festa eta goizaldera arte iraungo du. Festarako sarrerek 6 euroko prezioa izango dute.
Hyperbolika taldeak emango dio hasiera festari, 18:00etan. Ondoren, Bskuir-ek, batxata eta saltsa klasea eskainiko du. 21:00etan afaria eskainiko da Hiruputzun bertan. Behin sabela beteta, 22:00etan, Armolaren eta Paulineren kontzertuen txanda izango da. Ondoren, gauari amaiera emateko, DJ emanaldiak egongo dira goizaldera arte: Juan TaTorri, Siwanaba, Euskowboy eta Beroki eta i.rat.i eta Denz artistek eskainiko dituzte emanaldiak.